Isa ka high value individual nga ginapatihan supplier sang mga nagaduso sang iligal nga droga sa Kabankalan, arestado sa buy-busy operation.
Arestado sa ginpatigayon nga drug buy-bust operation las 6 kagab-i, sa Purok Matawhay, Brgy. Binicuil, Kabankalan City si Jonathan Gasalao alyas Bayong.
Nakuha sa buy-bust operation ang 16 tanan ka heat-sealed transparent plastic sachets nga may unod sang ginapatihan shabu dala na diri ang buy-bust item kag mga drug paraphernalia.
Ginabulubanta naglab-ot sa 60 gramos ang nakuha nga iligal nga droga sa kay Gasalao nga may yara sang Standard Drug Price nga 408,000 pesos.
Sa report sang Kabankalan PNP, si Gasalao ang ginakuhaan sang mga nauna na nga nagkaladakpan sa mga ginpantigayon nga buy-bust operation sang kapulisan sa Kabankalan.
Yara karun sa kustodiya sang kapulisan ang suspetsado kag pasakaan sang kaso nga paghupot kag pagbaligya sang iligal nga droga.