Ginapaabot ang pagdeklarar sang probinsya sang outbreak sa hand, foot and mouth disease ukon HFMD.
Ini kasunod sang pagsaka sa kadamuon sang kaso sa HFMD kun ipaanggid sa 2022, nga nagdangat sa 6,300 percent.
Suno kay Governor Eugenio Jose Lacson, iya na lamang gina hulat ang opisyal nga rekomendasyon sang Provincial Health Office.
Suno kay Lacson, maka alarma ang pagsaka sang HFMD cases kag siya ang maga sunod sang rekomendasyon sang Health Office.
Sa pagdeklarar sang outbreak suno kay Lacson nagakasayuran nga ang mga Municipal kag City Health Office ang mas maga tutok sa ila nga mga ipatuman nga tikang para mapamatukan ang paglapta pa gid sang HFMD nga masami naga apekto sa mga kabataan.
Dugang pa ni Lacson, malakip man ang DepEd sa amo nga tikang.
As of February 4, 320 ang recorded HFMD cases sang Negros Occidental kag ang Kabankalan City ang may pinaka madamo nga na-record sang HFMD cases.