Pangunahan ni Councilor Al Victor Espino pamuno sang Committee on Laws and Ordinances and Good Government ang pag scrunize sang memorandum of agreement sang siudad sa Bacolod Yuhum Foundation nga amo ang liwat napili nga organizer sang tuigan nga Masskara Festival.
Naghinyo na sang report ang konseho gikan sa foundation angut sa paghiwat sang Masskara Festival sang nagligad nga tuig.
Sang Hulyo 10 nagsubmit sang proposal ang bag-o nga presidente sang foundation nga si Katherine Matiling. Nalakip sa ginaduso sang foundation ang pag angkon sang supervisory powers kag pagkuha sang authorization para sa pagtukod sang mga kiosks sa festival sites.
Talakayon man sa hearing ang bahin sa revenue sharing nga ginahinyo sang organizer nga ma-remove sa kasugtanan.