Ginapaidalom na sa surveillance kag investigation sang Bacolod City Police Office ang 53 tanan ka mga job order workers sang Bacolod Traffic Authority Office kag Public Order And Safety Office nga nagpositibo sa drug test.
Ginhambalan sila ni BCPO Director Col Noel Aliño nga mag surrender agud nga mapaidalom sa drug rehabilitation antes pa man sila posible madakpan sa ipatuman nga anti-illegal drug operation sang kapulisan.
Suno kay City Legal Officer Romeo Carlos Ting Jr. kadam an sa mga nagpositibo sa drug test mga job order workers nga ginkakas na sa trabaho.
May apat man ka mga regular employees sa BTAO nga nagpositibo man sa drug test ang ipaidalom sa 60-day preventive suspension.
Ginsiling man ni Ting nga sandig sa Republic Act 9165 pwede na mapatuman ang mandatory drug test sa tanan nga empleyado sang siudad bisan wala sang ordinansa.