Ginsiling ni 3rd District Representative Francisco Benitez nga nagakaangay nga mausisa kag matalakay sa kongreso ang ginaduso nga pag import sang industrial grade sugar bilang sabat sa shortage sang domestic production nga ginakihanglan sang mga industrial producers kasubong sang mga bottling companies.
Ginapaabot ini sang kongresista nga ini ang malakip sa hearing sa House Committee on Agriculture sa ginaduso nga amendment sa Sugar Industry Development Act ukon SIDA Law matapos ang State of the Nation Address ni Presidente Ferdinand Marcos Jr. sa Hulyo 24.
Ginaduso nga pasakaan ang buwis sa sweetened beverages kabangdanan nga ginhinyo sang mga industrial producers nga mapahanugutan ang pag import sang industrial grade sugar.
Bagay nga ginabalabagan sang katapo sang sugar industry bangud ini man ang sarang makapatay sa industriya.