Kun may patigayunon man nga separado nga pagpangusisa ang Department of Agriculture sa nadula nga mga abono, bukas ang probinsya para diri.
Ini suno kay Negros Occidental Governor Eugenio Jose Lacson nga nagsiling nga luyag nya man gani ma klaro man sa DA kun ngaa gab-i gin patigayon ang delivery.
Suno kay Provincial Legal Officer, Alberto Nellas, Jr., kun matigayon sila ang maga hatag sang ila lubos nga kooperasyon sa DA.
Sa karon, suno kay Nellas, may yara sila sang substantial ukon nagakaigo nga ebedensya sa duha ka mga empleyado nga ila ginpasakaan sang kaso angut sa pagkadula sang 789 ka bag sang abono nga naga balor sang 2.3 million pesos.
Ginahaylo nila ang duha nga mag present sang ebedensya para madepensahan man nila ang ila kaugalingon.
Suno kay Nellas may gintudlo sila nga isa ka senior officer sang OPA nga amo ang nagsugo sa ila sa pagbaton sang amo nga delivery, pero tubtob nga wala man ini sang pruweba magapabilin lamang ini nga isa ka pahayag.
Natukiban ang pagkadula sang mga bag sang abono sang Oktubre, 2022 sang maga withdraw na kuntani ang Cauayan LGU sang ila nga share kag natukiban nga wala na sang bilin nga supply.