Ang hinyo sang Progressive Alliance of Capitol Employees sang health benefits para sa mga empleyado sang Kapitolyo Probinsyal ang paga hatagan sang pagtamod.
Ini suno kay Provincial Adminstrator Rayfrando Diaz nga nag siling man nga ang tikang sa ikaayong lawas sang mga pumuluyo sang probinsya kag lakip na sang mga empleyado sang Negros Occidental ang kabahin sa programa nga ipatuman.
Suno kay Diaz luyag sang gobyerno probinsyal nga may baseline data bahin sa ikaayong lawas ang mga pumuluyo nga labing importante man indi lamang bahin sa impormasyon kundi maka bulig man pat-od sa mahimo gina batyag sang isa ka indibidual sa mas temprano nga tion.
Kun may savings ang Negros Occidental masunod nga tutukan ang gina hinyo nga health benefits sang PACE suno kay Diaz.