Haze ang nag-apekto na pati sa Negros Island.
Publiko ang gina abisuhan nga likawan ang mga outdoor activities kag mas maayo nga mag gamit sang facemask.
Ginkumpirma ni Vicente Losbañes regional director sang Environmental Management Bureau – Negros Island Region nga nag lab-ot na ang haze sa isla sang Negros.
Ini base sa resulta sang monitoring nila sang air quality.
Sa air quality update sang EMB as of 8am, yara sa very unhealthy air quality index level ang La Castellana, samtang ang yara sa palibot nga area sandig sa monitoring naga pabilin nga yara sa fair air quality index level kaangay sa La Carlota City kag Canlaon City.
May pila man ka mga netizens nga nag post sa ila nga namutikan sa ila nga palibot nga daw grayish ang kalangitan, kaangay sa sakop sang Barangay Camugao sa Kabankalan City, kasubong man sa Bacolod City.
Suno sa Office of the Civil Defense ang DENR-EMB, upod na ang ila nga talatapan ang maid-id nga naga monitor sang sitwasyon.
Humalin sang Lunes, mga areas sakop sang National Capital Region, MIMAROPA kag CALABARZON naga eksperiensya sang haze.
Suno sa OCD posible ini ang may kaangtanan sa aso kag transboundary haze gikan sa padayon nga sunog sa Indonesia nga ginalantaw dala sang huyop sang hangin naglab-ot sa pungsod.
Ang Bacolod LGU nag pa gwa na sang abiso sa publiko.
Sa public advisory, nakasaad, mas maayo nga sirad-an ang mga pwertahan kag bintana kag mag gamit sang face mask kun mag gwa.
May yara sang air quality monitoring station sa Barangay Alijis sa Bacolod kag padayon man ang close monitoring sa resulta.
Suno kay Adrian Hort Ramos ang Assistant Regional Director sang DOH NIR mas labing maghalong ang yadtong may mga respiratory related illness kaangay sang mga may asthma kag cardio vascular diseases.
Ang mga may edad kag mga kabataan dapat man nga mag halong, mas maayo ipaiway ang pag gwa sa mga puluy-an kun wala man lamang sang importante nga hilikuton.
“Preventive, magamit kita sang mga particulate respirator, preferably inang N95, but kung wala face mask can do, para indi kita maka haklo. Minimize outdoor activities”, suno kay Ramos.
[sibwp_form id=1]