Nagsaka sa 79.9 million pesos ang gin-report kahalitan tuga sa pagkapatay sang mga baboy sa probinsya sa report sang Provincial Veterinary Office sang Sabado.
Sang Sabado lamang, 395 ka mga baboy ang gin-report napatay.
Ang protocol karon nga gina patuman sang Negros Occidental amo ang pagtutok sa ano man nga virus ang naga dala sang kahalitan.
Suno kay Governor Eugenio Jose Lacson, tubtob nga wala sang opisyal nga report gikan sa Department of Agriculture-Bureau of Animal Industry, indi man maka deklara ang probinsya nga may African Swine Fever case na sa Negros Occidental.
Sa ASF zoning map as of May 27, kasunod sang gin-report nga ASF positive cases sa Bacolod, yara sa red ukon infected zone ini.
Ang mga palibot naman nga lugar nga nagalakip sang Bago, Murcia kag Talisay ang pink ukon yara sa buffer zone.
Yara naman sa Surveillance zone ang Pulupandan, Valladolid, La Carlota, Salvador Benedicto kag Silay City.
Ang nabilin nga mga lugar yara sa green zone.
May restriction nga napatuman sa buhi nga mga baboy, boar semen, raw meat kag locally processed meat nga gikan sa Bacolod City.