Shadow

Halit sang sunog sa merkado sang Brgy Marcelo, Calatrava nagdangat P2.4M

Nagdangat sa ₱2.4M pesos ang halit sang sunog nga nag luntad sa merkado sang Barangay Marcelo sa Calatrava.

Ginlamon sang kalayo ang mga baligyaan sa may merkado sang Sitio Riverside, Barangay Marcelo banwa sang Calatrava Sabado sang gab-i.

Tubtob subong wala pa matumod kun ano ang gintunaan sang sunog kag kun diin ini nag sugod.

Naglawig sang masobra sa duha ka oras ang sunog nga nagsugod 7:40 sang gab-i. Napalong ang kalayo 9:40 naman sang gab-i.

Suno kay Calatrava Fire Marshall SFO3 Andrew Demisana, mga isa ka oras ang biyahe halin sa town proper sang Calatrava pakadto sa Barangay Marcelo nga yara na malapit sa Don Salvador Benedicto.

Ginrespondehan naman sang mga fire fighting units sang Escalante City, Sagay City kag Toboso ang amo nga sunog. Dugang pa ni Demisana nga may yara sadto sang Fire Auxillary sa Marcelo apang indi na ini activated.

Nagpalab-ot naman sang bulig sa mga nasunogan ang lokal nga panguluhan sang Calatrava.

Secured By miniOrangeSecured By miniOrange