Kahalitan nga natuga sang ash fall sa La Carlota City ang nagdangat sa halos isa ka million ka pesos.
Samtang, community kitchen naman nga gina pangunahan sang probinsya maga resume sa Hwebes.
Sa initial report sang Office of the Provincial Agriculturist kay Governor Eugenio Jose Lacson as of April 8, masobra sa 952,000 pesos ang kahalitan sa mga high value crops sa barangay Haguimit, Ara-al, Cubay kag La Granja.
Abril 8 sang nagbuga sang abo ang bulkan Kanlaon kag labing apektado ang siudad sang La Carlota.
Samtang, sa Hwebes maga-resume ang probinsya sa community kitchen kag ini na ang ika apat nga bulan.
Suno kay Governor Eugenio Jose Lacson gikan sa P50 million pesos nga damlag pa gin-release sang Malacanang ang ila nga paga gamiton nga pondo para sa pagkaon sang mga evacuees.
Padayon man ang probinsya naga hulat sang formal transfer of funds gikan sa national government angut sa damlag pa ginsiling nga dugang nga bulig para sa mga apektado sang bulkan Kanlaon.