Halit sa kasapatan bangud sang bagyo Odette ang nagdangat na sa masobra 742 million pesos.
Ini base sa final report sang Provincial Veterinary Office. 426,682,503.50 million diri ang balor sang halit sa mga nagkalamatay nga livestock kag poultry, 315,708,500 million pesos naman ang kahalitan sa mga physical structures kasubong sang mga animal housing kag facilites.
Sa 29 ka mga banwa kag siudad nga nahalitan, ang banwa sang Pontevedra ang nag report nga may pinaka mataas nga kahalitan sa nagkalamatay nga kasapatan – 51,586,848.80 million pesos.
Suno kay Dr Renante Decena ang provincial veterinarian ini natungod nga madamo sang broiler kag layer farm sa Brgy Antipolo area nga nag kalaguba.
Siudad naman sang Bago ang may pinaka mataas nga ginreport halit sa mga housing kag iban pa nga structures – 58,893,000 million pesos.
Sa pihak nga bahin, nag sugod na-abot ang bulig para sa probinsya kasubong man sa mga banwa kag siudad angut sa halit sang bagyo Odette.
Ilakip ang Bacolod city kag Negros Occidental, 309.8 million pesos nga pondo ang na download gikan sa Bureau of Treasury kag National Housing Authority.
Kahapon ang 90 million pesos nga pondo gikan sa NHA para sa rehabilitation sang mga naguba nga balay ang ginturn-over sa probinsya.