Padayon ang monitoring sa bulkan Kanlaon.
Gobernador ang naga panawagan sa pumuluyo nga magpamati kag magsunod sa abiso sang otoridad.
Sa pagsapol upod sang Office of the Civil Defense kahapon, ginpangabay sang ahensya ang mga local government units nga ipasiguro nga wala na sang may nabilin pa nga pumuluyo sa ginakabig danger zone.
Nahangpan man sang gobernador ang sitwasyon sa mga evacuation center, labi na nga ang mga pumuluyo gina ulikid man ang ila kasapatan kag mga pagkabutang, pero mas mangin mahapos kag sulhay ang mga tikang nga ipatuman labi na kun may emerhensya kun yara na ang tanan sa evacuation center.
Gani naga panawagan siya sa pumuluyo nga magsunod sa abiso.
Samtang, minimal pa man suno sa iya ang mga masakit nga na monitor sa evacuation center.
Ang personnel sang Provincial Health Office upod sa health personnel man sang LGU ang nagapatigayon na sang ila operation.
Suno sa PHO kalabanan nga masakit sip-on, ubo kag sakit sang tiyan kag laban mga kabataan.
Suno sa gobernador ang pag masakit sa amo nga sitwasyon indi malikawan.