Natalana nga patigayunon sa Septembre 9 ang ground breaking ceremony para sa Bacolod City General Hospital sa Barangay Vista Alegre.
Suno kay Congressman Greg Gasataya, una nga pagatukuron sa amo nga proyekto ang multi-purpose building sang ospital nga naga balor sang P200 million pesos. P250 million pesos naman ang budget para sa main building.
P200 milliones pesos diri gikan sa kay Senator Migz Zubiri.
Paga unahon ang ground breaking sa multi purpose building.
Gina paabot nga mahuman ang construction sang ospital sa sulod sang duha ka tuig.
Ang bilog nga compound ang paga tawgon nga Teofilo Gensoli Medical Center.
Madason naman nga pangitaan sang pondo sang DOH para sa mga medical equipment sang ospital.