Shadow

Panay-Guimaras-Negros bridge madayon

DPWH photo

Provincial Development Council ang maga endorse sang Panay-Guimaras-Negros bridge.

Ini suno kay Negros Occidental Governor Eugenio Jose Lacson nga nagpahayag nga wala pa man sang timeline pero madayon ang amo nga construction.

Sang Biyernes nagsapol ang Regional Director sang National Economic and Development Council nga si Arecio Casing kay Lacson sa Kapitolyo Probinsyal kun sa diin ginhinyo sini ang endorsement sang PDC. Suno kay Lacson ang original nga plano kun sa diin ang mangin entry kag exit points sang amo nga taytay sa probinsya ang napahamtang sa Pulupandan amo ang iga endorse.

Sa iya ulihi nga sugilanon sa kay Bise Gobernador Jeffrey Ferrer, okay ang 4th District para diri suno sa iya.

Wala pa siya sang lubos nga detalye bahin sa pagpatukod sini, pero suno kay Lacson, karon nga ginahikot ini sang NEDA madayon ang plano.

Ang PDC ang maga convene sa Setyembre 9. Damlag pa ginsiling ni Bacolod Mayor Albee Benitez nga amo man sa karon ang naga pamuno sang Regional Development Council nga suportado ni President Ferdinand Marcos, Jr ang plano sa pagtukod sang Panay-Guimaras-Negros Bridge.

Sa pihak nga bahin, may gin present man ang NEDA nga Bacolod-Kabankalan Expressway nga plano. Suno kay Lacson ini ang sa 2030-2010 pa nga proyekto.

Secured By miniOrangeSecured By miniOrange