Shadow

Gov: Posible nga magsira anay ang mga resorts sa probinsya sulod sang 2 ka semana

Matapos nga wala gintugutan sang Department of Interior ang Local Government ang pag paidalom sa general community quarantine sang Negros Occidental, tutukan na lamang sa karon sang probinsya ang pagpatuman sang mga tikang para indi na magsaka pa gid ang kaso sang COVID-19.

Suno kay Governor Eugenio Jose Lacson, wala labot sang pagpatuman sang curfew nga nagsugod na sang Lunes, ginalantaw man ang posible nga pagpasira sang mga resort sa probinsya sa sulod sang duha ka semana.

Suno kay Lacson ini ang pagatalakayon sa ila nga pagsinapol kaupod ang Provincial Tourism Office.

Ginsiling ni Lacson nga kuntani indi na paghulaton pa nga maglab ot sa 200 percent ang growth rate sang kaso sang COVID-19 sa Negros Occidental. Suno kay Lacson ang mensahe nga iya nabaton gikan kay DILG USec Epimaco Densing amo nga para mapa idalom sa GCQ dapat ang growth rate 200 percent sa sulod sang duha ka semana, rason nga wala na tugutan ang hinyo sang probinsya bangud ang growth rate sini 107 percent.

Sa April 12 nga report sang Provincial Incident Management, 1477 ang active cases sang Negros Occidental.

Leave a Reply

Your email address will not be published. Required fields are marked *

Secured By miniOrangeSecured By miniOrange