Gina tugyan na lamang ni Governor Eugenio Jose Lacson sa Police Station 2 ang pag pangusisa angut sa nakit-an nga bala sa Food Terminal Market sang probinsya.
Suno kay Lacson indi na niya luyag pa nga mag overthink sa amo nga hitabo kag wala man siya nagaka bother ukon natublag diri.
Gina usisa sang kapitolyo ang pagkasapo sang duha ka mga bala sang 9mm sa hagdanan sang Food Tterminal Market of Occidental Negros (FTMON) sadtong Hulyo 3 nga nagsanto man sa pagpirmahanay sang renewal sang mga job order kag contract of service.
Ginsiling ni Provincial Legal Officer, Alberto Nellas, Jr., nga isa sa anggulo nga ila gina lantaw ang posible pag pamahog ukon may mensahe nga luyag ipalambot ang responsable sa probinsya.
Ginsiling naman ni Renelo Lastierre, ang pamuno sang Safety and Security Division nga may nag-ako na nga naga panag-iya sang mga bala.
Siya ang katapo sang military community kag aksidente sini nga nawigit ang ginsugo sa iya nga ginbakal nga mga bala.