Gobernador Eugenio Jose Lacson ang naga pati nga daku ang posibilidad nga matigayon sa sini nga administrasyon ang Panay-Guimaras-Negros Bridge.
Suno kay Lacson, kun lantawon daku ang impact sang kasubong nga proyekto labi na sa rehiyon, gani labing gina lauman niya ang katumanan sini.
Kun isipon suno sa iya madugay ang pagpanghanda para sa amo nga nga proyekto, humalin sa pagtuon padulong sa design sini kag tubtob sa launching sang proyekto.
Sini lamang nag gwa ang balita nga ginapaabot ang bidding para sa Panay-Guimaras-Negros Bridge sa bulan sang Marso para sa mga interesado sa proyekto.
Gina paabot ang pag turn-over sang Department of Public Works and Highways Project Management Office sang detailed engineering design sa Marso.
Suno kay Lacson wala man siya sang official update, pero kuntani madala diri ang taytay nga maga angut sang Guimaras sa Negros.
32.47 kilometers ang Panay-Guimaras-Negros Bridge project nga nagalakip sang duha ka sea-crossing bridges nga maga resulta sa pag angut sang isla sang Panay, Guimaras kag Negros.