Ang grupo sang negosyante nga si Enrique Razon ang nagpabutyag man sang interes sa bulk water project sang Negros Occidental.
Suno kay Negros Occidental Governor Eugenio Jose Lacson ang tiglawas sang Razon group ang nagsapol sang nagligad nga semana kay Provincial Administrator, Rayfrando Diaz. Sa karon, may duha ka mga investors ang nag pabutyag sang interes.
Damlag pa nag propose sang 2.8 billion pesos nga investment ang Aboitiz InfraCapital para sa joint venture upod sa probinsya, nga tukuron sa Talisay City.
Sa karon duha ang nagpakita sang interes pero suno kay Lacson, mapat-od pa gid ini kun magbukas na ang bidding para sa proyekto.
Ginalauman sang probinsya ang interes sang Bacolod City Water District sa pagkuha kuntani sang bulk water gikan sa proyekto bangud sang kadakuon sang volume nga gina gamit sang Bacolod bagay nga importante sa mga investor.
Kaina sang aga sa press conference ginsiling ni Mayor Albee Benitez nga ang Baciwa ang may ginalantaw na nga tatlo ka lain nga mga supplier sang ila nga bulk water.
Mahimo nga kumpiansa ang Baciwa sa ila nga mga supplier suno sa gobernador.
Dugang pa ni Lacson daku ang pagpanghangkat nga wala ang Bacolod pero maga pangita na lamang sang iban nga paagi ang probinsya.
“This position of Baciwa does not help us at all, but we just have to find ways to convince investors to come in”, suno kay Lacson.