Board Member Anthony Dennis “Anton” Occeno nga challenger ni Congressman ang Emilio “Dino” Yulo sa 5th District ang gina-endorso ni Governor Eugenio Jose Lacson.
Si Occeno ang naga papili Congressman sa idalom sang Partido Federal ng Pilipinas. Si Congressman Yulo naman ang naga pa re-elect sa idalom sang Lakas-CMD.
May alliance ang Partido Federal ng Pilipinas kag Lakas – CMD.
Suno kay Lacson damlag pa iya na nga na endorse si Occeno dala sang alliance kag base man sa request sang presidente sang Partido Federal ng Pilipinas nga si Governor Reynaldo Tamayo, Jr. Si Governor Tamayo ang national president man sang League of Governor’s of the Philippines.
Sa pihak nga bahin, personal naman nga gina endorso ni Lacson si Vice Mayor Juan Miguel Montilla sa mayoralty race sa Isabela. Magga bungguanay sila ni Miguel Angelo Yulo nga anak ni Congressman Dino.
Sa Himamaylan City kay nabungkag na ang TOGA ukon ang Raymund Tongson kag Justin Gatuslao tandem sadto suno kay Lacson, ang ila nga pagda-ug mansig-mansig na santo sa ila nga pwersa. Ang Love Negros maga suporta sang ila nga kandidato kag gina paabot man ang United Negros Alliance nga magsuporta man sa ila nga kandidato.