Wala sang deklarasyon sang State of Calamity ukon State of Emergency may kaangtanan sa pag pang atake sang peste sa mga tubo sa mga probinsya.
Tigaylo isa ka Task Force ang ituga sang gobernador sa pag monitor sang RSSI.
Ginsiling ni Governor Eugenio Jose Lacson nga maga pa gwa siya sang executive order nga maga tuga sang task force.
Ini ang paga tapuan sang mga tiglawas sang Sugar Regulatory Administration kag gobyerno probinsyal.
Paathag niya ang pagpaidalom sa state of calamity ukon emergency kinahanglan sang approval sang Sangguniang Panlalawigan.
Ika duha, ang kahalitan nga natuga sang red striped soft scale insects ukon RSSI sa mga katubuhan indi man sa lebel nga ma qualify ang declaration sang state of calamity ukon emergency.
Ang panawagan sang SRA para sa amo nga deklarasyon suno kay Lacson iya na sadto pa gina tugyan sa mga LGU, pero wala sang ni isa ka LGU ang nag patuman sang amo nga deklarasyon.
Gina haylo sang SRA ang amo nga deklarasyon agudto mapadasig kuntani ang procurement process karon nga may pondo man sila nga magamit
para matapna ang problema sa RSSI. May mga tikang naman nga napatuman kontra RSSI.
Suno kay Lacson, maga hinyo siya ang opinyon sang Provincial Legal Office bahin diri.