Sa statement sang anay gobernador sang Negros Occidental kag convenor sang Robredo People’s Council. Huwebes na siya nakahibalo sa natabo nga pagpang garit garit sa caravan ni Marcos Jr. Sa Talisay City sang Miyerkules.
Luyag niya man usisaon ang insidente pero wala na siya sang tiempo sa iya nga kasakuon. Pero paathag niya nga sa ila nga grupo ila nga gina haylo ang ila nga mga volunteers nga mag pakita sang maayo nga pamatasan sa mga kampanya. Nahangpan niya man nga may mga tiun nga indi mapunggan ang emosyon sang iban kag indi malikawan nga may mabuy-an sila nga indi manami nga mga tinaga kag wala nila ini
Gina tolerar sa ila mga supporters. Gani personal siya nga nagpangayo sang pasaylo kay marcos junior kag sa iya kaupdanan sa natabo nga pagpang haboy sang flyers.
Si Talisay City Mayor Neil Lizares naman ginakasubo nga natabo ang ini nga insidente sa ila mismo nga siudad. Wala kuno nila gina tolerar ang amo nga pamatasaon kag maga himo sang sang tikang matapos ang matul-id nga imbestigasyon. Ang mga gin himo sang isa ka talisaynon wala kuno naga pakita kun ano ang pamatasan sang tanan nga pumuluyo sang siudad.
Naga padayon na ang ila nga imbestigasyon kag naga panawagan ang alkalde nga mangin responsable dapat ang tanan sa ila nga mga pang gawi nga wala sang may malapakan nga kinamatarong sang iban man nga persona.