Satisfied si Negros Occidental Governor Eugenio Jose Lacson sa nangin performance sang Negrense athletes sa nagtakop nga Western Visayas Regional Athletics Association Meet.
Iya naman iduso nga ang Negros Oriental ukon Siquijor ang maga host sa gina paabot naman nga Negros Island Regional Athletics Association Meet sa madason nga tuig.
Indi man over-all champion ang Negros Occidental sa nagtakop sang WVRAA, pero ang pag champion sang elementary sa ila nga category ang naga pakita sang pag ayo sang performance.
Over-all champion sa gihapon ang Iloilo kag naga sunod ang Negros Occidental.
Suno kay Lacson indi man ma negar ang pag baka-baka sang Iloilo nga naga lakip sang ila nga maayo nga performance sa para games.
Ini na ang ulihi nga tion nga maga pasakop sa WVRAA ang Negros Occidental bangud sa madason nga tuig sa NIRAA na kag naga paabot si Lacson nga ang Negros Occidental ang maga dominate sa amo nga hinampang.
Pero luyag niya nga ang Negros Oriental bisan pa ang Siquijor ang maga host sang hinampang bangud luyag niya man nga ang mga Negrense athletes tigayon nga maka biyahe.