
Gobernador sang Negros Occidental ang positibo nga madayon sa gihapon ang Negros Island Region apesar nga pending sa gihapon ang pag pasar sini sa senado.
Nag pa gwa kahapon sang pahayag si Senador JV Ejercito nga naga klaro nga wala sang kamatuoran nga nag guot ang NIR bill sa iya nga komitiba.
Suno sa iya wala gin paabot ang pagkadula ni Governor Roel Degamo kasubong man sang nag bulos sini nga si Governor Carlo Jorge Reyes nga nag pa delay sa proseso.
Paathag ni Ejercito kinahanglan nila nga ma kumbinsi ang presidente sa viability sang NIR labi na ang may kaangtanan sa kagastuhanan sa pagtuga sang isa ka bag-o nga region.
Nagapati si Lacson nga naga kaigo ang panindguan ni Ejercito nga dapat lamang naplastar ang tanan agudto nga magapasiguro ang katumanan sini.
Personal nga naga pati si Lacson nga kun indi matigayon ang NIR sa Marcos administration kun sa diin madamo sang senador ang nag pabutyag sang suporta indi na ini matigayon pa.
“I’d rather that there’s a slight delay but it will give time to the Committee of Senator Ejercito to come up with a strong case for NIR. For me personally if it doesn’t happen in this administration, it may not happen at all. I feel this is the last chance”, suno kay Lacson.
Sa bahin sang probinsya sarang ini makahatag sang duta nga pwede sa ulihi mapatindugan sang mga regional offices.