
Governor Eugenio Jose Lacson ang maga pa re-elect sa 2025.
Wala pa man sila pormal nga nakatalakay para sa 2025 suno kay Lacson, bangud nga may tion pa man, pero sa karon siya ang presumptive candidate para sa gubernatorial post sa 2025.
Si Lacson ang katapo sang Love Negros nga may coalition sa United Negros Alliance.
Suno kay Lacson, kun wala man lamang sang pagkambyo sa plano ni Vice Governor Jeffrey Ferrer, desisyon sang pamilya sini nga mag balik siya sa 4th District bilang congressman sa tuyo man nga mas maka bulig pa gid siya sa iya mga constituent.
Yara na sa UNegA suno kay Lacson ang desisyon kun sin-o ang ila nga iga field para sa vice gubernatorial post sandig man sa nakasugtan sang coalition.
Nalipay ang gobernador sa padayon nga suporta sang UNegA sa adminsitrasyon kag maga padayon ang ila nga pag-updanay.