Liwat nga ginpilahan ang tig 25 pesos nga kilo sang bugas nga ginbaligya sang Federation of Irrigators Association – Central Negros kaina.
Suno kay Negros Occidental Governor Eugenio Jose Lacson, nag hatag sang commitment ang grupo sang mga irrigators nga sa kada sila ang mag ani sila ang maga baligya sang tig 25 pesos nga kilo sang bugas bilang kabahin sang ila nga pagbalik man sang bulig.
Suno kay Pedro Limpangog ang presidente sang Federation of Irrigators Association – Central Negros-Bago River Irrigation System, may 47 ka sako sila nga gin pain para ibaligya sa tig lima ka kilo nga maximum sa kada bumalakal sa Food Terminal Market of Negros Occidetal.
Sa madason nga bulan, suno sa iya may paabuton pa gid nga pagbaligya sang bugas sa tag 25 pesos ang kilo.
Ang grupo ang gin buligan sang probinsya paagi sa pag talana sang mga job order workers nga naga serbe mismo sa pag pananom.
Dugang pa ni Limpangog may mga machinery kag iban pa nga farm implements nga nabulig man sa ila ang probinsya.