Sa tunga sang mga pahayag nga ginbuy-an ni Vice President Sara Duterte, para kay Negros Occidental Governor Eugenio Jose Lacson, naga kaigo lamang nga itugyan na ini santo sa procedure sang laye.
Sini nga Martes lamang gin subpoena sang National Bureau of Investigation si VP Sara para mag paathag sang gina alegar iya threat sa pag assasinate kay Presidente Ferdinand Marcos, Jr., nga para sa bise presidente indi man active threat.
Nabaton na sang talatapan ni Duterte ang amo nga subpoena. Suno sa gobernador ang kasubong nga mga hitabo wala naga pabaya ang gobyerno gani hulaton na lamang kun ano ang mangin findings sang Department of Justice.
Nagapanawagan man ang gobernador sa kaupod nga mga officials bisan pa sa publiko nga sa tunga sini mag padayon sa tagsa ka katungdanan. Kun tutukan lamang sang tanan ang naga katabo subong, maga tuga ini sang political kag economic instability.
Gani tigaylo nga mag pa apekto dapat mag padayon sa trabaho kag mag tutok sa economic growth, labi na sa local officials likawan pa gid ang mag “take sides”.
“If we all continue to work, we all have our roles – a president, a senator, a congressman, local officials. We all have our roles to take. So if we just continue to work, especially for our respective community we will be okay and not just focus on what is happening now, at the moment sa babaw. I think that is our responsibility to our respective community to try to help your economic conditions improve”, suno kay Lacson.