Nagalaum si Negros Occidental Governor Eugenio Jose Lacson nga mangin madinalag-on ang gina paabot nga bidding para sa Bulk Water Project sang probinsya.
Ang damlag schedule nga bidding para sa Bulk Water Project sa bulan sang Hunyo ang na paisol sa bulan sang Oktubre base man sa hinyo sang mga interesado nga partido.
Suno kay Lacson, nagapabilin ang interes para sa 1.2 billion pesos nga proyekto nga naga tuyo maga hatag sang sabat sa problema sa supply sang tubig sa probinsya.
Dugang pa ni Lacson nagalaum man sila nga maga ugyon ang Silay kag tigayon nga maga hatag sang Resolution of No Objection ukon RONO para sa proyekto.
Isa sa mga gina lantaw nga mangin source sang bulk water project ang Imbang River nga yara nahamtang sa Silay.
Suno kay Lacson, kun indi gid man maghatag ang Silay sang RONO magapadayon ang bulk water project kag sa lain na lamang nga suba ukon sa Malogo River maga tap ang probinsya.
Ang Malogo pareho nga yara sa Silay City kag EB Magalona.