Gobernador Eugenio Jose Lacson ang maga-upod sa iban nga local government units sa pag panawagan sa Korte Suprema sa pag-reverse sang desisyon sini angut sa pagtugot sang commercial fishing sa 15-km nga municipal waters.
Damlag pa nag pa gwa na sang official nga pahayag si Governor Lacson nga naga siling nga isa ka serious concern ang decision bangud naga butang ini sa alang-alang ang palangabuhian sang mga 45,000 ka mga magagmay nga mangingisda sa probinsya bisan pa ang mga manugkasag.
Paathag ni Lacson, bangud lamang sang technicality rason nga napierde ang kaso kasunod sang pag kwestion sang Mercidar Fishing Corporation sang constitutionality sang Fisheries Code of the Philippines.
May yara sang nangin remiss ukon nagpatumbaya sa iya nga katungdanan.
Isa ka daku nga industriya ukon billion peso industry man ang blue crabs nga gina produce sang probinsya nga gina paabot apektado sa amo nga desisyon sang Korte Suprema suno kay Lacson.
Sang naga pabilin pa ang 15km nga municipal waters sa jurisdiction sang LGU may mga commercial vessels na nga naga pangisda sa sining sakop sang kadagatan ayhan pa karon suno sa iya nga ginatugutan na.
Gina paabot man karon sang gobernador ang pagpasar sang Sangguniang Panlalawigan sang Negros Occidental sang resolution nga naga pamatuk man sa amo nga desisyon.