Wala sang problema. Ini ang pahayag ni Negros Occidental Governor Eugenio Jose Lacson sa tunga niya kag ni Bacolod Mayor Albee Benitez.
Kagab-I isa ka get together sa mga alkalde nga katapo sang Love Negros ang gin host ni Bacolod Mayor Albee Benitez. Ini ang gintambungan ni Governor Lacson kag 14 ka mga Love Negros Mayors.
Suno kay Lacson, 14 sa 16 ka Love Negros mayors ang yara.
Ang duha wala sa probinsya sang gin patigayon ang pagtililipon.
Kun may naga gwa nga issue sa tunga niya kag ni Benitez mahimo suno sa gobernador nag gikan lamang ini sa mga yadtong luyag nga mag himo sang kontrobersiya.
Damlag pa nag gwa ang istorya nga ang anak ni Mayor Albee nga si Victorias City Mayor Javi Benitez ang may plano nga mag papili gobernador sa 2025.
Bagay nga ginhimutig gilayon ni Mayor Albee.
Iya ginsiling nga ang paglibot-libot ni Mayor Javi sa mga banwa kag siudad ang may kaangtanan sa iya katungdanan bilang presidente sang Association of Chief Executives.
“There’s none. Maybe some people just want to create controversy, but actually there’s really none. We all had fun yesterday. In fact, we already plan for the next get together”, suno kay Lacson.