Gina baton ni Negros Occidental Governor Eugenio Jose Lacson ang desisyon sang mga kaupod kag opisyales sang First District nga sila ang maga suporta sa kandidatura ni presidential candidate Ferdinand Marcos, Jr.
Kahapon ginpahayag ni San Carlos City Mayor Renato Gustilo nga ang mga opisyales sang San Carlos City maga suporta kay Marcos kag vice presidential candidate Sara Duterte kag si Gobernador Lacson ang maga suporta kay Vice President Leni Robredo.
Suno kay Lacson, ini ang personal choice sang mga opisyal kag sila ang maga tib-ong sang mga kandidato nga ila paga suportahan kasubong man nga siya ang maga kampanya para kandidato nga iya napilian.
Tubtob sa karon wala pa sang categorical statement si Lacson bahin sa iya nga presidential candidate pero iya na ginpahayag damlag pa nga nakahibalo naman ang kadam-an kun sino ang iya nga paga suportahan.
Sa Marso naka schedule ang caravan ni VP Leni sa Negros Occidental kag suno kay Lacson siya ang maga tambong kun siya ang ma imbitahan.