Gobernador Eugenio Jose Lacson ang luyag nga mag pabilin sa alert level 2 ang probinsya ilabi na nga tion na karon sang kampanya.
Padayon ang pagnubo sang kaso sang Covid–19 sang Negros Occidental. 13 ang new cases sa February 23 nga report sang Provincial Incident Management Team kag nanaog na sa 574 ang active cases.
Depende sa ipa gwa nga alert level status para sa bulan sang marso sang National Inter-Agency Task Force, pero may mga naga paabot nga maga padulong sa paghalog pa gid sang restrictions kasunod man sang sitwasyon sa National Capital Region.
Kun sa iya lang, suno kay Lacson mas luyag niya gani kuntani ang alert level 3, pero kay ginpapanaog na sa alert level 2 ang probinsya kuntani maga pabilin na diri.
Suno sa gobernador mas maayo na lang nga may mga pag andam kag paghalong nga gina patuman.