Shadow

Gov: Dapat may mapasakaan kaso sa mga shooting incident para indi madulaan salig ang publiko

Pagkilala sa suspek ukon mga suspek kag pag aresto sa ila.

Ini suno kay Negros Occidental Governor Eugenio Jose Lacson ang ila nga gintalakay sa pagsinapol nga ginpatawag ni Bacolod Mayor-elect Albee Benitez upod sa pamuno sang Bacolod PNP nga si Col Thomas Joseph Martir kag Col Leo Pamittan sang Negros Occidental PNP.

Sa tunga sang asud-asud nga shooting incident sa Bacolod City, suno kay Lacson, wala labot nga ang pagkilala kag pag aresto sa mga responsable sa krimen naga hatag sang pasalig sa publiko nga under control ang sitwasyon, naga haboy man ini sang mensahe sa mga yara sa likod sang krimen nga indi sila basta-basta maka makapalagyo kag sila ang maga panabat.

Suno kay Martir, sa karon ila nga ginatinguhaan nga ma file ang mga kaso kay may mga suspek naman kag persons of interest sa mga shooting incident.

Suno naman kay Lt. Abegael Donasco ang spokesperson sang Negros Occidental PNP, sa bahin sang Nocppo maga hatag man sila sang suporta kasubong man close coordination sa Bacolod PNP.

Suno kay Lacson, wala man sang kasubong nga mga shooting incident sa Negros Occidental dapat ang mga pulis magapabilin nga alerto.

Secured By miniOrangeSecured By miniOrange