Sang weekend, isa ka civet cat ukon Singgarong ang gin-turnover sa Victorias City Veterinary Office sang isa ka concerned citizen.
Temporaryo ini nga gintatap sa City Veterinary Hospital para masiguro nga healthy ini antes ibalik sa iya ginhalinan.
Sang Miyerkules, kaupod ang Victorias City Environment and Natural Resources Office ukon CENRO, ang Singgarong ang ginbalik na sa kagulangan, ang lugar kun sa diin gid ini nagakabuhi.
Ang civet cats ang importante nga parte sang forest ecosystem suno sa City Vet kay ini sila ang nagabulig sa pagpalapta sang mga seeds sa forest kag nagabulig buhin sa mga peste para may balanse ang palibot.
Sa Pilipinas, naga diutay ang mga singgarong kay nagakaguba na ang ila sila nga mga habitat ukon ilistaran kag bangud sang iligal nga pagdakop kag pagbaligya sa ila.
Indi ini ang una nga tiun nga may na rescue nga singgarong sa Victorias. Sang nagliligad nga tuig may mga na rescue na ang mga pumuluyo kag gin-turn-over man sa City Vet.
Nagapasalamat ang City Vet sa mga residente nga nakahangop nga indi pwede dakpon ukon patyon ang mga singgarong kay kinahanglanon ini sila sa nabilin nga kagulangan naton.
[sibwp_form id=1]