Bangud sang pandemic, nag uso ang pagpananum bangud kadam-an yara lang sa ila mga balay. Nagtuhaw ang mga plantitos kag plantitas.
Nangin mabakal ang mga tanum, pati masitera gina kulang.
Pero ini ang nag giya kun ngaa nagtuhaw man pati ang pagnegosyo sang plant stand.
Sa dalan Lacson sa Bacolod kag gikan ka sa Talisay, agaw atensyon ang mga gina display sa dalan nga nanari sari nga mga color sang plant stand nga himo sa mga tubo.
May mga layers, may zigzag, may pabilog kag may mga antique.
Naga depende man sa disenyo ang bili sang plant stand. Ang single kag medium size plant stand ang sarang mabakal sa 200 pesos. Naga saka nga naga saka ang bili depende sa kadakuon kag sa kadamuon sang tubo.
May yara man sang para sa hanging plants.
May bulutangan nga de ruyda para hapos sayluhon.
Ang ini nga higante nga pabilog nga plant stand naga bili ang diyes mil pesos.
Sa mga mahilig sa antique may yara sang antique plant stand nga naga balor sang singkwenta mil pesos. Maid id ang pag disenyo sang salsalon.
Suno sa naga bantay sa baligyaan nga si Rusty Destajo, mas bentaha kun tubo ang stand kay makasarang sa ulan kag init.
Agosto sang nag umpisa sila sa pag display kag daw halos kada semana wala sila nagakad-an sang customer.
Suno sa iya, sarang sila maka himo sa luyag nga kadakuon kag disenyo sang customer.
May mga adlaw nga wala sila sang customer pero suno kay rusty indi pa gid ang naga duso sa ila nga mag pamensar sang bag-o nga disenyo para sa maka ganyat pa gid sang bumalakal.