Shadow

PAATHAG | Ano ang bu-ot silingon sang Tropical Cyclone Warning Signal?

YouTube player

Kun may magsulod nga bagyo sa Philippine Area of Responsibility ginapaidalum sang PAGASA sa nagkalain-lain nga Tropical Cyclone Warning Signal ang mga lugar nga maapektuhan sang bagyo.

Ini agud makapganghanda ang mga pumuluyo kun ila mahibaluan kun ano ka kusog sang epekto sang bagyo sa ila tagsa ka mga lugar.

Nagalain ang storm signal sa kada lugar bangud nagadepende ini sa lakat man sang bagyo.

Ang kabaskugon sang hanging kag estimated damage ang ginabasehan sang pagasa sa pagbutang sang storm signal sa isa ka lugar.

Example: Sa Signal Number 1, 30 tubtub 60 kilometers per hour ang kabaskugon sang huyop sang hangin nga makaguba sa mga pamalay nga himu sa light materials ukon mga hayub-hayub.

Sa Signal Number 2 naman, 61 tubtub 120 kilometers per hour naman ang kabaskugon sang hangin nga makaguba sa mga daan nga balay kag makapalid sa mga atop sini. Makapahilay man ini ukon makapatumba sa mga daan nga poste.

Ang Signal Number 3 naman may dala nga hangin nga may kabaskugon nga 121 tubtub 170 kilometers per hour.
Makaguba ini sa mga balay nga himu sa kahoy kag makapatumba man sa mga puno sang kahoy. Makatuga man ini sang storm surge ukon dalagko nga balod sa baybayon.

171 tubtub 220 kilometers per hour naman ang kabaskugon sang hangin sang Signal Number 4.

Makatuga ini sang partial damage bisan sa dalagko nga mga balay kag makaguba sa mga pwertahan kag bintana.

Makapatumba ini sang mga billboards kag makatuga sang storm surge nga tubtub sa 3 meters ang kataason.

Ginapasaka naman ang Signal Number 5 sa mga lugar nga maapektuhan sang super typhoon nga may dala nga hangin nga masobra sa 220 kilometers per hour.

Makaguba ini bisan sa mga building kag makatuga sang malapnagon kag malawig nga brownout.

Importante ang pagmonitor sang balita sa panahon kun may yara sang bagyo sa pungsod. Ini agud makapangaman kita kag makapanghanda batuk sa katalagman nga dala sang bagyo. Kag kun mag siling ang otoridad nga dapat na nga mag evacuate, indi na magpang duha duha, sunod na lang kay para ini sa aton nga safety.

Secured By miniOrangeSecured By miniOrange