Isa sa mga pinasahi nga festival sa Negros nga Tigkalalag Festival sang Isabela gindagsa sang tumalan-aw.
Pinaagi sa mga costumes kag props nga inspired sang mga espiritu kag kalag, gina dumdumon sang Tigkalalag Festival sang banwa sang Isabela ang mga pinalangga sa kabuhi nga nag taliwan ni. Kada November 2 ini ginahiwat, All Souls Day.
Agaw atensyon ang mga nagapasakop nga mga dancers samtang naga perform sa dalanon sang banwa sang Isabela. Naga tipon naman ang mga tumalan-aw para masaksihan ini. Ang iban sa mga bisita halin pa sa iban nga banwa kag siudad pati na probinsya nga nagpadulong sa Isabela para saksihan ang ila cultural festival.
Sa arena and street dance competition, nangin champion ang cluster 7 nga gina tapuan sang Barangay Tinongan, Makilignit, Campclark kag Riverside. Sila man ang nagdaog sang Best in Choreography, Best in Production Design, Best Banner kag Most Disciplined Contingent.
Cluster 2 naman ang 1st Runner-Up kag Best in Streetdancing.
Cluster 5 naman ang 2nd Runner-Up kag Cluster 3 ang Best in Costume.
Ang Tigkalalag Festival ang nangin kampyon sa Festival Dances municipal category sang nagligad nga Panaad sa Negros Festival.
[sibwp_form id=1]