Kun ikaw isa ka Negrense nga naka base sa karon sa Metro Manila kag na-miss mo na ang mga produkto kag pagkaon sa Negros, ini na ang tsansa mo nga matilawan kag mabakal ang made in Negros nga mga produkto.
Nagapadayon sa karon ang IFEX Philippines 2026 sa World Trade Center sa Pasay City.
Na-display diri ang nagkalain lain nga mga produkto halin sa mga pasalubong kag nanari sari nga mga pagkaon pakadto sa oil.
May nga produkto man halin sa iban pa gid nga mga probinsya.
Kaina ginbisita ni First Lady Liza Araneta Marcos ang Negros Occidental booth. Ang popular nga sarisa chips ni Chef Mae Selene Puentespina sang Isabela ang nakalab-ot sa first lady.
Ang mga medium and small enterprise ukon magagmay nga mga negosyante ang natagaan sang kahigayunan nga maka display sang ila nga mga produkto didto pinaagi sa bulig sang provincial government sang Negros Occidental kag DTI.
Pinaagi sini nga kahiwatan ang the best of local nga Tatak Negrense flavors ang sarang ma tilawan sang mga Negrense nga naka base sa Metro Manila.
[sibwp_form id=1]