Sa good vibes: Ang parada para sa Metro Manila Film Festival kag opening sang Batang Pinoy dungan nga hiwaton sa Bacolod sa December.
Sa Disyembre 12, dungan nga patigayunon ang parada sang mga artista nga kabahin sang Metro Manila Film Festival kag ang opening ceremony sang Batang Pinoy sa Bacolod City.
Una na nga gin anunsyo nga Bacolod ang mangin pinakauna nga host sang MMFF sa gwa sang Metro Manila kag Bacolod man ang host sang Batang Pinoy sini nga tuig.
Ginsiling ni Bacolod City Mayor Greg Gasataya nga sa aga hiwaton ang parada kag magapadulong sa siudad ang mga artista nga may entry sa MMFF.
Plano sang siudad nga patigayunon ang Parade of Stars sa mga mayor nga dalanon sa siudad. Sa karun gina-finalize pa kun sin-o nga mga artista ang magapadulong sa siudad.
Pagkatapos sini, hiwaton man ang opening ceremony sang Batang Pinoy kun sa diin maga perform man ang iban sa mga artista nga yara sa MMFF.
Wala paman sang pat-ud nga lugar kun diin hiwaton ang opening sang Batang Pinoy.
Ginapaabot nga masobra sa 50,000 ka nga bisita kag atleta ang magapadulong sa siudad para sa Batang Pinoy 2026.
[sibwp_form id=1]