Intresado ka man bala magsaylo sa electric vehicle sa pihak sang wala untat nga saka panaog sang presyo sang gatong?
Nagkalain-lain nga mga brands sang electric vehicle ang gina display sa karon sa naga padayon nga Bacolod Electric Vehicle Summit.
Sa mga naga consider nga magsaylo ukon magbakal sang electric vehicle, sarang sa karon makit-an ang nanari-sari nga mga brands nga available sa Bacolod kag ini tanan ang gina display sa Ayala Malls Capitol Central.
Halin sa mga SUV, Pick up, van kag sedan ang gina display sa naga padayon nga Bacolod Electric Vehicle Summit.
Humalin sang nag timbuok saka ang presyo sang gatung bangud sang gamo sa Middle East, nagsaka man ang demand para sa electric vehicle.
Mismo ang gobyerno ang naga haylo man sa publiko nga amat-amat nga mag saylo na sa electric vehicle bangud pinaagi sini sarang mapa hagan-hagan ang air pollution kag indi na mangin dependent katama sa gasoline ukon diesel.
Sa isa ka video message ginsiling ni Congressman Albee Benitez nga ang electric vehicle ang dako nga bulig para sa sustainability, matinlo nga hangin kag mas may gamay nga operating kag maintenance cost.
Indi lang ang pribado nga mga motorista ang ginahaylo nga magsaylo sa electric vehicle. Pati ang mga operator sang public utility jeepney ang ginahaylo man nga magsaylo sa electric vehicle.
Ang Department of Trade and Industry ang naga tanyag sang loan para sa mga operator nga 1% per month ang interest ukon 12% per annum. Ang mga dugang nga mga impormasyon ang sarang makit-an sa website sang DTI.
[sibwp_form id=1]