Isa sa mga pinakamatahum nga government center sa Negros ang ginbuksan na.
Sang Domingo ginpatigayon ang opisyal nga pagbukas sang new government center sang Tanjay City sa Negros Oriental. Ini matapos ang duha ka tuig nga construction.
Sa video nga gin post ni Mayor Jose Pepe Orlino kag kuha ni Ruru Rival, ginpakita niya ang daan nga hitsura kag sitwasyon sang ila nga city hall kag ang hitsura sang new government center nila.
Matapos ang duha ka tuig nga construction sang 590 million pesos nga government center, nahuman na ini.
Kun nagabiyahe ka halin sa Kabankalan pa Dumaguete City malabyan lang ang Tanjay pagkatapos sang Bais City. Kag sa mismo nga highway makita lang sa higad sang dalan ang anum ka level nga building nga may department offices, session hall, conference rooms kag food court.
Sa glass elevator sang building makita ang panoramic view sang palibot.
Modern ang design sang building nga himo sa glass, stones kag iban pa nga contemporary materials.
May yara pa ini sang sky garden.
Nagapasalamat ang alkalde nga nahatagan sang katumanan ang ila nga handum nga bag-o nga government center nga simbolo sang paglambo sang siudad.
[sibwp_form id=1]