Wala na nalipay si Bacolod City Mayor Greg Gasataya sa Tourism Infrastructure and Enterprise Zone 3 Authority ukon TIEZA, bangud sa wala pa mahuman nga rehabilitasyon sang Bacolod City Public Plaza kag Bacolod City Government Center Park.
Sandig sa kontrata, dapat sang tinalikdan pa nga tuig natapos ang construction, apang tubtob karon, wala pa ini mahuman.
Wala man sang sense of urgency ang TIEZA bangud atrasado na katama ang ini nga mga proyekto, suno sa alkalde.
Sang nagligad nga semana, natukiban sang alkalde ng wala gali madala sa kontrata sang TIEZA ang pagpatukod sang power supply para sa fountain sa atubang sang BCGC.
Dugang sang alkalde, dapat sang una palang nakahibalo na ang TIEZA sang mga kinahanglanon nila para sa rehabilitation. Luyag man kuntani sang TIEZA nga i-angut nalang ini sa supply sang kuryente sang BCGC apang natukiban man, nga indi na ini masarangan sang existing power supply sang BCGC.
Nagpakig-angut na si Gasataya sa TIEZA para makaschedule sang isa ka face-to-face meeting agud maplastar na ang pagbukas sang ini nga mga proyekto.
220 million pesos ang budget nga ginpain sang gobyerno nasyonal para sa rehabilitation sang BCGC park samtang 80 million naman ang para sa public plaza.*
[sibwp_form id=1]