Sa video nga gin-post sang Department of Environment and Natural Resources ukon DENR ila ginpakita ang kinalain sa sitwasyon sang Bayawan City sa Negros Oriental sadto kag sa karon.
Problema sadto sa basura ang Bayawan kag ang plastic nga mga basura nagalab-ot pa sa malagyo nga bahin sang siudad.
Pero sa subong, ginakilala na sila sang DENR bilang model for solid waste management, segregation at source, recycling, composting, proper disposal, kag strong community participation nga nangin kabangdanan kun ngaa matinlo sa karon ang siudad.
Sa pagbisita ni DENR Secretary Mitch Cuna sa Bayawan City Waste Management and Ecology Center, iya gin siling nga parehos sa Bayawan City ang luyag matabo ni President Ferdinand Bongbong Marcos Jr. para sa mga LGUs nga mangin kasubong sang laboratory nga naga pangita sang pwede nga solusyon kag mapakita ang best practices.
Ang matinlo nga siudad ang wala nagakatabo overnight, kinahanglan sang consistent nga aksyon kag pag pakigbahin sang komunidad.
Sa pagbinuligay sang mga ahensya sang gobyerno kag sang komunidad, suno sa DENR, sa ginpakita sang Bayawan City, posible ang pagbag-o.
[sibwp_form id=1]