Ang ini nga chapel ang gintawag sang mga turista nga simbahan sa bukid. Ini bangud nahamtang ini mismo sa ibabaw sang bukid sa Sitio Tayap, Barangay Patag sa Silay City.
Malabyan lang sa higad sang dalan sa Tayap ang gate pasulod diri. Pasulod sa gate, makita ang matahum nga landscape kag sa unhan amo na ang San Antonio de Padua Chapel.
Agaw atensyon ang architectural design sang chapel. Ang atop sini gingamitan sang kugon, ang mga haligi kawayan, kahoy naman ang sa atubang sini. Naga gwa sulod lang ang hangin sa chapel.
Antique ang mga puertahan sini nga pang 17th ukon 18th century ang design sang carvings. May religious icon.
Ang sulod sang simbahan himo naman sa kahoy kag glass.
Ang likod sang crucifix himo sa glass gani athag ang katahom sang kabukiran sa likod.
Bangud sang pinasahi nga design kag katahum sang chapel, gina dagsa ini sang mga turista kun Sabado, ang adlaw sang pag misa diri.
Kada las kwatro sang hapon kun Sabado ang misa diri, isa ka oras antes gina buksan na ang area para sa mga bisita. Kun first Friday naga misa man diri pero pagka first Saturday of the month wala naman sang misa diri.
Subong isa na ini sa mga wedding ceremony destination bangud sang katahum sang lugar.
[sibwp_form id=1]