Mga awards nga nabaton sang probinsya lakip na ang performance sang tagsa ka departamento ang gin-highlight sang gobernador sa new year message sini.
Isa ka thanksgiving mass ang ginsakdag sang kapitolyo probinsyal sa imbukada sang bag-ong tuig.
Suno kay Negros Occidental Governor Eugenio Jose Lacson, labing ginapasalamatan ang Makaako sa panibag-o nga tuig kag sa bag-o nga panugod.
Sa mensahe sang gobernador sa mga empleyado sang gobyerno probinsyal, daku man ang pagpanghangkat nga na atubang sang 2021 sa gihapon tigayon nadul-ong sa mga pumuluyo ang mga serbisyo kag programa santo sa laye kag sa development agenda.
Nagsugod ang 2021 sa pagbaha sa third district kag nagtapos ini sa paglaslas ni bagyo odette sa sur sang Negros Occidental kag naga pabilin ang pandemic, pero sa tunga sini nalab-ot sa gihapon sang probinsya ang mga tinutuyo sini kag nagbaton pa sang isa ka international award sang mag champion sa Iron cup 2021 International Robotics Competition ang NOLITC.
May pito ka mga national awards nga nabaton ang probinsya kag 18 ka regional awards.
Suno sa gobernador nangin maayo ang performance sang mga empleyado sang gobyerno probinsyal sang 2021 nga nagakaangay lamang nga kilalahon kag hatagan sang pagpasidungog.