Kuryente ang ginatudlo nga ginhalinan sang kalayo nga nagtupok sa 29 ka mga balay sa Barangay 10 sa Bacolod.
Nagdangat sa 16 ang destroyed houses kag 13 ang partially damaged sa natabo nga sunog sa Purok Magtiayon, Brgy. 10, Miyerkules sang kaagahon.
Suno sa kay Fire Superintendent Jenny Mae Masip ang Fire Marshall sang BFP-Bacolod City, faulty electrical wirings ang nakita nila nga inisyal nga ginhalinan sang kalayo.
Madasig nga nag lapta ang kalayo bangud magkaiping lang ang mga balay nga himo sa light materials.
Mabudlay man suno sa iya ang pagsulod sa lugar bangud tuman ka gamay sang alagyan.
Nagdangat naman sa 210,000 pesos ang kahalitan nga gintuga sang kalayo.