Pagduso sang pagbakuna para sa booster shots sa mga banwa kag siudad ang ipaagi sang gobernador sa Negros Association of Chief Executives.
Suno kay Governor Eugenio Jose Lacson, ang probinsya ang maga buylog sa mga programa sang Department of Health. Kag sini lamang ginlunsar ang PinasLakas campaign nga naga tuyo sang pabaskog sang kampanya sa booster shots kag pagbakuna sa mga wala pa mabakunahan nga senior citizen.
Ini ang tinutuyo nga malambot sa first 100 days sang Marcos administration. Suno kay Lacson ipaagi niya ini sa kay ACE president, Victorias Mayor Javier Miguel Benitez para mahaylo ang mga local government units sa pagduso sang amo nga kampanya.
Sa July 24 nga report sang DOH, 75.88 percent ang fully vaccinated sa Negros Occidental, nag idog man pero suno sa gobernador manubo ini sa gihapon bangud nga ang gina duso subong, booster shots na gani.
Sa pihak nga bahin, personal nga panindugan ni Lacson nga dapat magapabilin ang pag gamit sang face mask. Ini sa tunga sang plano nga kun malab-ot na ang mga target madapatan sang booster shots sarang na nga indi mag gamit sang face mask sa mga outdoor venues.