Supply sang tubig ginasuguran na rasyon sang Bacolod DRRMO sa mga barangay nga ginakulang ang supply.
Nagsugod na sa pagdul-ong sang supply sang tubig ang Bacolod DRRMO sa mga residente nga masami nagakawad-an sang tubig ilabi na kun tig-ilinit.
Kabahin sa nakadtuan sang water tankers sang siudad ang Barangay Estefania.
Ginpahayag ni Mayor Albee Benitez nga napadul-ungan na sang tubig ang mga stationary water tanks sa mga barangay nga ginakulang sang tubig.
May 19 tanan ka water tanks ang temporary nga ginbutang agud mangin mahapos sa katapo sang DRMMO ang pag-deliver sang tubig.
Ang tagdumalahan sang Baciwa-Primewater ang nagpasalig na sa siudad nga antes matapos ang bulan ma-inject na sang bulk water supplier ang dugang nga supply sang tubig nga sarang makapahagan-hagan sang problema sa kakulang sang tubig.
Target sang water utility nga mapalab-ot ang 24/7 nga tubig sa mga kunsomedor sa 2026.