Apat ka mga balay natalana nga i-demolish sa Barangay 10 sa Bacolod sa Abril 2.
Temporaryo nga na-delay ang construction sang diversion channel sa Burgos Street sa reclamation area bangud asta karon wala pa nakakas ang apat ka mga balay nga natukod sa kilid sang karsada sa Barangay 10.
Ginsiling ni City Legal Officer Karol Joseph Chiu, napadal-an na sang final notice kag nagpatigayon na ang siudad sang pre-demolition conference sa apat ka mga apektado nga pamilya para sa natalana nga demolition sa Abril 2.
Sa tion nga mahawanan na ang lugar padayunon sang DPWH ang construction sang diversion channel nga maga-angut sa Mambuloc Creek.
Ang channel ang ginatan-aw solusyon sa problema sa baha ilabi na sa reclamation area.
Ginklaro ni Chiu nga apat lang ka balay ang apektado sang demolition kag wala sang balay sa kilid sang sapa ang nalakip sa clearing operation.