Ginareklamo nga naga trabaho sa Civil Registrar’s Office gintumod na sang tag-complainant.
Pero isa ka LGBTQ ang gin-alegar nagsinuplada sa ila kag indi ang duha ka mga babaye nga damlag gina-usisa.
Natumod na sang nalisdan nga himata ang naka assign sa Civil Registrar’s Office sang Bacolod City Government Center nga nagsinuplada kag nang-sing-al sa ila samtang naga proseso sang death certificate sa window 3.
Pero katapo sang LGBTQ ang ila gin-reklamo kag indi ang duha ka mga babaye nga job order workers nga damlag ginpatawag ni Mayor Albee Benitez.
Indi anay luyag sang tagreklamo nga magpa-interview samtang nagahikot sang lubong sang napatay nila nga amay.
Pero nagapasalamat sila sa alkalde sa madasig sini nga paghatag atensyon sa ila reklamo.
Natabo ang insidente sang Nobyembre 3.
Gani gilayon man nga nagmando ang alkalde nga ipaidalom sa training program ang tanan nga mga empleyado agud mapaayo pa ang pagserbisyo sang siudad mga nagakinahanglan kag naga-transaksyon sa BCGC.